გავრცელებული ინფორმაციით ქუთაისის საკრებულოში ცვლილებების დაწყების პარალელურად ორი ფრაქცია შეიქმნება, რომლებიც ასევე „პატრიოტებით“ დაკომპლექტდება. ერთ-ერთ ფრაქციას შესაძლოა სათავეში საკრებულოს თავმჯდომარის მოადგილე მერაბ მეშველიანი ჩაუდგეს. მეშველიანი ახალი ფრაქციის ჩამოყალიბების შესახებ ინფორმაციას არც უარყოფს და არც დასტურებს, თუმცა, ამბობს, რომ ფრაქციიდან გასვლაზე დიდი ხანია ფიქრობს.
„იყო რაღაც პრობლემები ურთიერთობებში და კიდევ სხვა მხრივ, მაგრამ ახლა ამაზე არ დავკონკრეტდები. აქედან გამომდინარე მე დიდი ხანია ვფიქრობ დავტოვო ფრაქცია. ვისაც არ უნდა კითხოთ ყველა დაგიდასტურებთ, რომ ამ პოზიციაზე დიდი ხანია ვარ“,-ამბობს მერაბ მეშველიანი.
უკვე სახელდება ახალი ფრაქციის სავარაუდო წევრებიც. გავრცელებული ინფორმაცით მეშველიანის ფრაქციაში შესაძლოა საკრებულოს დეპუტატები: ლევან კირკიტაძე, ირინე იმერლიშვილი, სერგო ლექვინაძე და გიორგი სიხარულიძე გაწევრიანდენენ.