მთავრობამ ოკუპირებულ ტერიტორიებთან გამყოფი ხაზის მიმდებარე სოფლებში მცხოვრები ოჯახებისათვის, ზამთრის  გათბობით უზრუნვეყოფის მიზნით, საკუთარი სარეზერვო ფონდიდან 2 მლნ 295 ათასი ლარი გამოყო. როგორც მთავრობის  №1570 განკარგულებიდან ირკვევა, ოკუპირებულ ტერიტორიებთან გამყოფი ხაზის მიმდებარე სოფლებში მცხოვრები ოჯახებისათვის ზამთრის პერიოდში გათბობით უზრუნვეყოფის მიზნით, თითოეულ ოჯახზე 200 ლარის ოდენობით დახმარების გასაცემად, საქართველოს ფინანსთა სამინისტრომ „საქართველოს 2013 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან ადგილობრივ თვითმმართველ ერთეულებს 2 295 000 ლარი გამოყო, მათ შორის:

ა) გორის მუნიციპალიტეტისთის  – 1 4 46 600 ლარი;

ბ) ქარელის მუნიციპალიტეტისთვის  – 559 000 ლარი;

გ) კასპის მუნიციპალიტეტისთის  – 117 200 ლარი;

დ) საჩხერის მუნიციპალიტეტისთვის  –74200 ლარი;

ე) ხაშურის მუნიციპალიტეტისთვის  – 69 200 ლარი;

ვ) ონის მუნიციპალიტეტისთვის  – 28 800 ლარი.