დღეს აკაკი წერეთლის სახელმწიფო უნივერსიტეტის მწვანე დარბაზში გაიმართა უნივერსიტეტის ფოტომატიანეს პრეზენტაცია, ამასთანავე უნივერსიტეტმა შეხვედრა მოუწყო ამაგდარ თანამშრომლებს. ყოფილმა თანამშრომლებმა მიმოიხილეს უნივერსიტეტის 80-წლიანი ისტორიის მნიშვნელოვანი ფაქტები, გაიხსენეს სხვადასხვა დროს უნივერსიტეტში მოღვაწე პროფესორ-მასწავლებლები, გაიხსენეს კურიოზებიც, რაც გადახდენიათ უნივერსიტეტში მუშაობის პერიოდში...
„უკვე ტრადიციად იქცა უნივერსიტეტში თანამშრომლებთან შეხვედრა. ყოველთვის მივესალმებით მსგავს თავყრილობებს. ამ ადამიანებმა ერთობლივი ძალით შექმნეს უნივერსიტეტის ისტორია. დღეს კი შევეცადეთ, შეძლებისდაგვარად დაგვეფასებინა ისინი და იუბილეს ფარგლებში ერთად შეგვეკრიბა,“ - განაცხადა უნივერსიტეტის რექტორმა გიგა ღავთაძემ.
შეხვედრის ბოლომ უნივერსიტეტის ადმინისტრაციამ ამაგდარ თანამშრომლებს სიმბოლური საჩუქრები გადასცა.