დღეს ქუთაისში, სახალხო დამცველის ოფისის საკონფერენციო დარბაზში, ბავშვთა უფლებათა კონვენციის დღესთან დაკავშირებით, გაიმართა კონკურსის: „მან ეს ბავშვებისთვის გააკეთა“ შემაჯამებელი ღონისძიება.

კინკურსში მონაწილეობა მიიღეს სამოქალაქო განათლებისა და პედაგოგთა გადამზადების პროგრამაში ჩართულმა იმერეთის 105 საჯარო სკოლის მოსწავლეებმა. მათ საკუთარ პრეზენტაციებში სხვადასხვა პიროვნენების მოღვაწეობა მიმოიხილეს. სულ  20 პრეზენტაცია წარადგინეს ჟიურის წინაშე.

მოსწავლეების ნამუშევრები ჟიურიმ შეაფასა და გამოავლინა სამი  საუკეთესო პრეზენტაციის ავტორი. გამარჯვებულებს საჩუქრად სიგელები და სამახსოვრო წიგნები გადაეცათ.

პროექტის ხელმძღვანელის, მაკა ჩინიჯიშვილის განცხადებით, მე-4 წელია, რაც ეს პროექტი მიმდინარეობს და ქუთაისი ყოველთვის  აქტიურად არის ჩართული მასში.

ჟანა ჯანელძე