დღეს პარლამენტში პრემიერ-მინისტრობის კანდიდატის ირაკლი ღარიბაშვილის მიერ წარმოდგენილ მინისტრთა კაბინეტის წევრებს უსმენენ.
დეპუტატებმა უკვე მოუსმინეს ფინანსთა მინისტრობის კანდიდატს ნოდარ ხადურს. ხადურის მისამართით შენიშვნები ჰქონდა საპარლამენტო უმცირესობას. როგორც უმცირესობა აცხადებს, მომავალი წლის ბიუჯეტში დეფიციტია.
დეპუტატებმა ასევე მოუსმინეს ირაკლი ალასანიას, თეა წულუკიანს, სოზარ სუბარს და შინაგან საქმეთა მინისტრობის კანდიდატს ალექსანდრე ჭიკაიძეს, რომელმაც ირაკლი ღარიბაშვილს ნდობისთვის მადლობა გადაუხადა.
ამ წუთებში კომიტეტში ჯანდაცვის მინისტრს დავით სერგეენკოს უსმენენ.