16 ნოემბერს 22 საათზე მოქალაქეთა ინიციატივით, ე.წ. ვარდების რევოლუციის მოედანზე გაიმართება მშვიდობიანი საპროტესო აქცია იმ ბარების, კლუბების და რესტორნების დახურვის მოთხოვნით, სადაც ხდება ქართველების ეთნიკური და გენდერული ნიშნით დისკრიმინაცია. აქციის მონაწილენი ასევე მოითხოვენ, დადგეს იმ დაცვის სამსახურების პასუხისმგებლობის საკითხი, რომლებიც მონაწილეობენ ქართველების ეთნიკური და გენდერული ნიშნით დისკრიმინაციაში.
აქციის მოთხოვნებია, ასევე, სავიზო და საიმიგრაციო რეჟიმის გამკაცრება და ქართული ენის უფლებების დაცვა სარეკლამო აბრებსა და ვიტრინებზე.