არჩილ კბილაშვილმა თანამდებობა დატოვა. ამის შესახებ მთავარმა პროკურორმა პროკურატურაში მიმდინარე ბრიფინგზე აღნიშნა.
კბილაშვილის განცხადებით, ის ივანიშვილთან ერთად სამოქალაქო სექტორში გადაინაცვლებს.
„საქმიანობას სამოქალაქო სექტორში, ბიძინა ივანიშვილთან ერთად გადავინაცვლებ",- განაცხადა მან. კბილაშვილი მიიჩნევს, რომ მისი პოლიტიკაში გამოჩენა 41 წლის ასაკში ნაადრევი იყო.
რაც შეეხება მის შემცვლელს, როგორც კბილაშვილმა აღნიშნა, ახალ გენერალურ პროკურორს ახალი პრემიერ-მინისტრი დაასახელებს. კბილაშვილის განცხადებით, გადადგომის მიზეზი მასსა და ირაკლი ღარიბაშვილს შორის არსებული განსხვავებული შეხედულებები გახდა.
კბილაშვილი: „ჩვენ გვქონდა და გვაქვს განსხვავებული შეხედულებები პრიორიტეტებთან, გამოწვევებთან და სამართალდამცველ სფეროში გასატარებელ რეფორმებთან დაკავშირებით "
კბილაშვილის განცხადებით, ღარიბაშვილისგან განსხვავებით, ის რეფორმების სწრაფად განხორციელების მომხრეა.
წყარო: presa.ge