უახლოეს მომავალში ენერგეტიკის მარეგულირებელი კომისია შესაძლოა, ისევ თბილისში, ძველ ადგილას, გადავიდეს. ამის შესახებ აქტიურად საუბრობენ კულუარებში. თუმცა უწყების პრესსამსახურის წარმომადგენელმა ქეთი ბერიკაშვილმა ეს ინფორმაცია psnews.ge-სთან საუბარში არც უარყო და არც დაადასტურა.
შეგახსენებთ, რომ კონტროლის პალატა, საგზაო დეპარტამენტი, სემეკი (ენერგეტიკის მარეგულირებელი კომისია) და სხვა რამდენიმე მარეგულირებელი უწყება, საქართველოს დედაქალაქიდან ქუთაისში 2008 წლიდან, პრეზიდენტ მიხეილ სააკაშვილის ინიციატივით გადმოვიდა.
მიხეილ სააკაშვილი მსგავსი წინადადებით 2008 წლის მაისში ქუთაისში გამართულ მთავრობის გაფართოებულ სხდომაზე გამოვიდა. სააკაშვილმა მაშინ ისიც აღნიშნა, რომ უმჯობესი იქნებოდა, თუ თბილისიდან ქუთაისში გადატანის შემდეგ ეს სამსახურები ადგილობრივი კადრებით დაკომპლექტდებოდნენ, თუმცა ეს ასე არ მოხდა და აღნიშნულ უწყებებში ძირითადი კადრები ისევ თბილისელებით შეივსო.
ლიკა ჩახუნაშვილი
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი