პარტია "თავისუფალი საქართველოს" იმერეთის ორგანიზაციის  თავმჯდომარე გოგი წულაია ქუთაისში "აიპი" გაერთიანებების მიერ თანხების არამიზნობრივ ხარჯვას აპროტესტებს და მათ გაუქმებას მოითხოვს.

"უნდა მოეღოს ბოლო ამ მანკიერ ტრადიციას. სპორტული "აიპის" ადმინისტრაციის 15 თანამშრომელს პრემიის სახით 33 907 ათასი ლარი აქვს აღებული, მაშინ როცა ამავე დაწესებულების 400–მდე მწვრთნელ–მასწავლებელს, რომლებიც ჩემპიონებს უზრდიან ქვეყანას,  მხოლოდ 23 636 ლარი მისცეს. ან "აიპები" უნდა გაუქმდეს, ან ქუთაისის მერიაში სპორტის სამსახური, რომელიც ასევე მძიმე ტვირთად აწევს ბიუჯეტს",–ამბობს გოგი წულაია.

ქუთაისის სპორტული "აიპის" მწვთნელ–მასწავლებლების საშუალო ხელფასი 200 ლარია. დაახლოებით ორი კვირის წინ, საკრებულომ სპორტული "აიპის" მწვრთნელებისთვის ხელფასის გაზრდის გადაწყვეტილება მიიღო.