ქუთაისში "სამი ოთარის" ძეგლის შესაძლო აღებასთან დაკავშირებით გავრცელებულ ინფორმაციას, ქუთაისის მერია კიდევ ერთხელ გამოეხმაურა. ქუთაისის მერიის ქონების მართვის სამსახურის უფროსის ბესო ცქიფურიშვილის თქმით, სკვერი, სადაც "სამი ოთარის" ძეგლი მდებარეობს, გაიჯარებული ტერიტორიის შემადგენლობაში არ შედის. სამსახურის უფროსმა შესაბამისი ნახაზიც წარმოადგინა.
"ჩვენს გაკვირვებას იწვევს, რატომ გახდა ეს თემა სპეკულირების საგანი, მაგრამ ეს იმის შედეგია, რომ ჩვენ საზოგადოებას შევთავაზეთ ღია თამაშის წესები, რაც ადამიანებისთვის უცხოა. განვმარტავ, რომ "სამი ოთარის" ძეგლის სკვერი ატარებს ცალკე სტატუსს და ის არ ეკუთვნის გაიჯარებულ ტერიტორიას. შესაბამისად გამორიცხულია მისი აღება",–განაცხადა ბესო ცქიფურიშვილმა.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი