პარლამენტის პლენარულ სხდომაზე, ქუთაისელმა დეპუტატმა ომარ ნიშნიანიძემ ქუთაისში „ნაციონალური მოძრაობის“ მმართველობის პერიოდი მწვავედ გააკრიტიკა და კოლეგებს გიორგი მარგველაშვილის გამარჯვება მიულოცა. მისი თქმით, მოსალოცია არამხოლოდ მარგველაშვილის გამარჯვება, არამედ „ნაციონალების“ პოლიტიკიდან გასტუმრება.
ნიშნიანიძემ მწვავე გამოსვლაში ქუთაისის ყოფილ მერზე გიორგი თევდორაძეზეც ისაუბრა და განაცხადა, რომ მისი მერობის პერიოდში ქუთაისში არაფერი გაკეთებულა.
„თევდორაძეს არაფერი გაუკეთებია ქალაქისთვის. დღემდე მოუწესრიგებელია წყლისა და კანალიზაციის სისტემები და ადამიანები პირველყოფილებივით ბუჩქებში დადიან“,-განაცხადა ომარ ნიშნიანიძემ. ემოციური გამოსვლის გამო დეპუტატმა პარლამენტის თავმჯდომარისგან შენიშვნა მიიღო.