ამ წუთებში ქუთაისში, პარლამენტის შენობასთან საპროტესტო აქცია მიმდინარეობს. აქციის მონაწილეები საპარლამენტო ორგანოს ქუთაისიდან დედაქალაქში დაბრუნებას აპროტესტებენ.

მათი განცხადებით, თუკი ვინმეს ჰგონია, რომ პარლამენტი მხოლოდ რესტორნებისა და რამდენიმე ბინის მესაკუთრისათვის არის შემოსავლის წყარო და ქალაქისათვის სხვა მნიშვნელობა არ გააჩნია, ეს მათი გაუნათლებლობის ბრალია, ვინაიდან პარლამენტი ქუთაისისათვის სასიცოცხლო მნიშვნელობისაა.

აქციის მონაწილეებს შორის არიან როგორც საზოგადოების წარმომადგენლები, ასევე „ნაციონალური მოძრაობის“ წევრები და ქუთაისის მერიის თანამშრომლები.

შეგახსენებთ, რომ დღეს პარლამენტის იურიდიულ საკითხთა კომიტეტის სხდომაზე პარლამენტის ქუთაისიდან გადატანის საკითხი განიხილება.