ცენტრალური საარჩევნო კომისიის მონაცემებით, 3 741 უბნიდან, უბნების 90,99% დათვლილია. როგორც ცესკო-ს თავმჯდომარემ, თამარ ჟვანიამ განაცხადა, დათვლილია 3376 ძირითადი, ასევე 28 ე.წ. სპეციალური უბანი.

შედეგების მიხედვით, საპრეზიდენტო არჩევნებში 62,09%-ით კოალიცია „ქართული ოცნების“ პრეზიდენტობის კანდიდატი გიორგი მარგველაშვილი ლიდერობს.

მეორე ადგილზე „ნაციონალური მოძრაობის“ პრეზიდენტობის კანდიდატი დავით ბაქრაძეა, რომელსაც მხარი ამომრჩევლის 21,09 %-მა დაუჭირა, შემდეგ პოზიციას კი – 10,06%-ით „დემოკრატიული მოძრაობის“ პრეზიდენტობის კანდიდატი ნინო ბურჯანაძე იკავებს.