ოქტომბერში საქართველოს სადაზღვევო ბაზარი ორმა კომპანიამ დატოვა და ბაზარზე 1 ახალი მოთამაშე შემოვიდა.
დაზღვევის სახელმწიფო ზედამხედველობის სამსახურმა ოქტომბერში 2 სადაზღვევო კომპანიის, „ვესტის“ და „მობიუსის“ გაკოტრების საქმე დაასრულა და ორივე კომპანია შესაბამისი რეესტრიდან ამოიღო.
ახალი მოთამაშე კი შპს საერთაშორისო სადაზღვევო კომპანია "კამარაKAMARA"-ა, რომლის 50%-იანი წილის მფლობელი და დირექტორი ფაზილ ალიევია, ხოლო დანარჩენ 50%-ს ჯამურად თურქეთის რამდენიმე მოქალაქე ინაწილებს.
სადაზღვევო კომპანიის 20%-ს ჰუსეინ იამანი ფლობს, 15%-ს - ჩეთინ აიდინი, 5%-ს - ეროლ ქაბაოღლუ და 10%-ს- მეჰმედ აფშარი.
ამ ცვლილებების გათვალისწინებით, სადაზღვევო კომპანიების რეესტრში 15 სუბიექტია.
წყარო "ბიპიაი"