არასამთავრობო ორგანიზაცია "მედია პორტალმა" წინასაარჩევნო პერიოდში ფარული და პოლიტიკური რეკლამის მონიტორინგის შედეგები წარადგინა. შუალედური ანგარიშის მიხედვით, წინასაარჩევნო პერიოდში კვალიფიციური სუბიექტებიდან ყველაზე მეტი სარეკლამო დრო დავით ბაქრაძემ გამოიყენა.
ფასიანი პოლიტიკური რეკლამით კი მხოლოდ ნინო ბურჯანაძემ ისარგებლა.
შედეგების მიხედვით გამოიკვეთა ფარული რეკლამის ფაქტებიც. არასამთავრობო ორგანიზაცია დაკვირვებას 5 სატელევიზიო არხზე ახორციელებდა. კვლევა პირველიდან 30 სექტემბრამდე პერიოდს მოიცავს.