საპარლამენტო უმცირესობის წევრმა,“ერთიანი ნაციონალური მოძრაობის” წარმომადგენელმა, გია თევდორაძემ დღეს გამართულ ბრიფინგზე განაცხადა, რომ ხარაგაულის მუნიციპალიტეტის საკრებულოს „ნაციონალი“ დეპუტატის სახლში სამართალდამცავები ორდენის გარეშე შეიჭრენ და ჩხრეკა დაიწყეს.
თევდორაძის თქმით, სამართალდამცავებმა ნინო ფხალაძის სახლში ჩხრეკა დილის ექვს საათზე დაიწყეს, რაც დაახლოებით სამი საათი გაგრძელდა. თევდორაძე მომხდარს „ერთიანი ნაციონალური მოძრაობის“ საპრეზიდენტო კანდიდატის, დავით ბაქრაძის, საარჩევნო კამპანიის ხელის შეშლად მიიჩნევს,რომლის შესახებაც დაუყოვნებლივ ეცნობება საერთაშორისო საზოგადებას.