ქუთაისის საპყრობილეში გარდაცვლილი არასრულწლოვნის ოჯახმა, სასჯელაღსრულების მინისტრმა სოზარ სუბარმა, ოჯახის ადვოკატმა და დამოუკიდებელმა ექსპერტმა დღეს ის საკანი მოინახულეს, სადაც გოგ ძველაიამ თავი მოიკლა.

ავით ძველაიას განცხადებით დღესმდე დარწმუნებული იყვნენ, რომ მისი შვილი მოკლეს და შემდეგ ჩამოკიდეს, მაგრამ დღევანდელი დათვალიერების შემდეგ, სადაც გოგა ძველაიას მიერ შესრულებული ნახატები ნახა, ეჭვი იმის შესახებ, რომ მის შვილს მარჯვენა ხელი პარალიზებული ჰქონდა გაუქრა.  ოჯახისწევრებს დღესვე შვილის მიერ დაწერილი განცხადება აჩვენეს, სადაც ის საკანში მარტო ყოფნას ითხოვდა.

სასჯელაღსრულებისა და პრობაციის მინისტრის სოზარ სუბარის თქმით, მისი სამინისტრო გამოძიებასთან თანამშრომლობას და ყველა იმ მტკიცებულების გადაცემას აპირებს, რაც სიმართლის დასადგენად მნიშვნელოვანია.