დღეს გახდება ცნობილი შეუჩერდება თუ არა მღვდელმსახურების უფლება ქუთათელ-გაენათელ მიტროპოლიტ მეუფე კალისტრატეს, თიანიეთისა და ფშავ-ხევსურეთის მიტროპოლიტს თადეოზს, ასევე ტყიბულისა და თერჯოლის მიტროპოლიტ გიორგის და მარგვეთისა და უბისის მიტროპოლიტ ვახტანგს.

საქართველოს საპატრიარქოში წმინდა სინოდის სხდომა დღეს , 12 საათზე გაიმართება,რომელსაც კათალიკოს-პატრიარქი ილია II უხელმძღვანელებს.

ცნობისათვის, მეუფე კალისტრატე ქუთაის-გაენათის ეპარქიას 1983 წლიდან მართავს. მთავარეპისკოპოსის ხარისხი კი 1989 წელს მიენიჭა.

არ არის გამორიცხული, სინოდის სხდომაზე განხილულ იქნას 4 ეპარქიის გაყოფის საკითხი. 

ამ დროისთვის არსებული ინფორმაციით, სინოდმა უნდა განიხილოს შემოქმედის ეპარქიის ორ ეპარქიად გაყოფა, ასევე საუბარია ცაგერისა და ლენტეხის და ქუთაის-გაენათის ეპარქიების გაყოფაზე. 

საპატრიარქოს კულუარებში უკვე საუბრობენ იმ პირებზე, რომლებიც ეპარქიების გაყოფის შემთხვევაში ახალ ეპარქიებს ჩაუდგებიან სათავეში.