სასჯელაღსრულების დაწესებულებებში არასრულწლოვანი პატიმრების ფსიქოლოგიური შემოწმება სავალდებულო გახდება. სასჯელაღსრულების დეპარტამენტის თავმჯდომარის მიხეილ ღურწკაიას თქმით, დაწყებულია კანონპროექტზე მუშაობა, რომელიც არასრულწლოვან პატიმართა ფსიქოლოგიურ გამოკვლევას ითვალისწინებს. მისი თქმით, გუშინ, ქუთაისის # 2 სასჯელაღსრულების დაწესებულებაში გარდაცვლილ პატიმარს მსგავსი გამოკვლევა ჩატარებული არ ჰქონდა.
„ფსიქოლოგიური შემოწმება მას ჯერ არ ჰქონდა ჩატარებული, 23 საათის შემოყვანილი იყო, ერთი დღე-ღამეც არ იყო გასული. ამის ვალდებულება კანონით არ არსებობს. ახალ პროექტში, რომელიც ჯერ არ მოქმედებს, ამისათვის განსაზღვრულია სამდღიანი ვადა“,- განაცხადა მიხეილ ღურწკაიამ.
წყარო: interpressnews.ge