დღეს ქუთაისში, დემოკრატიული ჩართულობის ცენტრში, ახლადშექმნილი ორგანიზაციის: „სამოქალაქო სოლიდარობის“ პრეზენტაცია გაიმართა. ორგანიზაციის დამფუძნებლებს შორის არიან: მამუკა არეშიძე, გია კორკოტაშვილი, ზაზა მამალაძე, ბესო ხარძაინი, ირაკლი კაკაბაძე.
„ქართველმა ხალხმა დაამტკიცა, რომ აღარ შეეგუება ფსევდოდემოკრატიას და სახელისუფლებო სიყალბეს; რომ დაიღალა უიმედო მდგომარეობით და სურს, მონაწილეობა მიიღოს სამართლებრივი, ეროვნული, ძლიერი სახელმწიფოს შექმნაში. სწორედ ამიტომ, მათი ღირსებისა და უფლებებისათვის შეიქმნა ეს ორგანიზაცია: „სამოქალაქო სოლიდარობა,“-განაცხადეს ორგანიზაციის დამფუძნებლებმა.
აღნიშნული ორგანიზაციის ფილიალები უკვე ფუნქციონირებს საქართველოს სხვადასხვა ქალაქებში.