დღეს აკაკი წერეთლის სახელმწიფო უნივერსიტეტის სტუდენტები და ქუთაისელი ჟურნალისტები სოფელ დვანში აქციას მართავენ დევიზით: „არა მცოცავ ოკუპაციას!“
აქციის ერთ-ერთი ორგანიზატორის, მონიკა მარღანიას განცხადებით: „სტუდენტთა დიდი ნაწილი აპროტესტებს რუსეთის ქმედებებს და მსგავსი ფორმით გადაწყვიტეს საკუთარი დამოკიდებულების გამოხატვა“.
აქციის მონაწილეები ტრანსპორტით წერეთლის უნივერსიტეტის რექტორატმა და ქუთაისის მერიის ტრანსპორტის სამსახურმა უზრუნველყო.
შეგახსენებთ, რომ აქცია „არა მცოცავ ოკუპაციას!“ რამდენიმე დღის წინ ჟურნალისტებმა „პრესის სახლის“ წინაც გააპროტესტეს.