საკრებულოს საკონკურსო-საატესტაციო კომისიის თავმჯდომარის მოადგილე მამუკა მღვდელაძე მერიაში გამოცხადებული კონკურსის საბოლოო შედეგებთან დაკავშირებით კითხვის ნიშნების არსებობას არ გამორიცხავს და ამბობს, რომ  კონკურსი იდეალური ვერ იქნება.

„მე არ მაქვს იმის პრეტენზია, რომ ეს კონკურსი იქნება ყველაზე კარგი, რაც კი აქამდე ადგილობრივ თვითმმართველობაში ჩატარებულა. არ გამოვრიცხავ, რომ კომისიის მუშაობის დასრულების შემდეგ დარჩეს კითხვებიც. მაგალითად,  შესაძლოა, კონკურსანტთა განაცხადების განხილვის დროს იმოქმედოს  პოლიტიკურმა  სიმპათიებმაც," – განაცხადა მამუკა მღვდელაძემ.

მღვდელაძე ასევე ალოგიკურს უწოდებს ვაკანსიებზე წარსადგენი საბუთების ჩამონათვალში სამოტივაციო წერილის  მოთხოვნას, რის გამოც, წინასწარი ინფორმაციით, რამდენიმე აპლიკანტი უკვე  დაიწუნეს.