ქუთაისში, წითელი ხიდის მიმდებარე ტერიტორიაზე მიკროავტობუსების გაჩერებისთვის განკუთვნილი ადგილი მოწესრიგდება. დაიხაზება ხიდის მიმდებარე ტერიტორია, სადაც ამჟამად 8 სვლაგეზზე მოძრავი მიკროავტობუსი ჩერდება, რის შემდეგაც, თითოეულ სვლაგეზზე მოძრავ ყველა მიკროავტობუსს, საკუთარი, დანომრილი ადგილი ექნება.
„როგორც კი საპატრულო პოლიცია მოგვცემს შესაბამის თანხმობას, დავიწყებთ მოწყობას. დაიხაზება ტროტუარი და ყველა მიკროავტობუსს ექნება დანომრილი სადგომი,"– აცხადებს ტრანსპორტის სამსახურის უფროსი ნესტორ კეპულაძე.
ამ დრომდე ქალაქში მოძრავი მიკროავტობუსები გაჩერების ადგილს თვითნებურად ირჩევენ.