საქართველოს ენერგეტიკისა და წყალმომარაგების მარეგულირებელი ეროვნული კომისიის ყოფილმა თავმჯდომარემ გურამ ჩალაგაშვილმა თანამშრომლებს ახალი თავმჯდომარე ოფიციალურად დღეს წარუდგინა. ირინა მილორავა გასულ წლებში საქართველოს ელექტრო ენერგიის საბითუმო ბაზრის გენერალური დირექტორის მრჩევლად, შემდეგ იურიდიული დეპარტამენტის უფროსად, 2004 წლიდან კი გენერალური დირექტორის მოადგილედ მუშაობდა.
"სწორედ ისეთი კადრი ჰყავს სემეკს, როგორიც სჭირდებოდა, ირინამ იცის როგორი სამუშაოა და როგორ გაართვას თავის დაკისრებულ მოვალეობას".-აღნიშნა გურამ ჩალაგაშვილმა მილორავას წარდგენისას.
მილორავას, განცხადებით სამუშაო გარემო და კოლექტივი მისთვის უცხო არ არის და იმედოვნებს, რომ თანამშრომლებთან ერთად წარმატებით განახორცილებს იმ პროექტებს, რაც სემეკშია დაგეგმილი.