ამ წუთებში ქუთაისის მერიის ადმინისტრაციული შენობის წინ დილიდან შეკრებილი გარემოვაჭრეები ქუთაისის მერის მოვალეობის შემსრულებელს კოტე ლომიძეს დახურულ კარს მიღმა ხვდებიან. ლომიძემ, რამდენიმე გარემოვაჭრე საკუთარ კაბინეტში მოსალაპარაკებლად მას შემდეგ აიყვანა, რაც აქციის მონაწილეებმა გზის გადაკეტვა სცადეს.
ჭავჭავაძის ქუჩაზე, 10 დღის წინ ნებადართული გარევაჭრობა 16 სექტემბრიდან აიკრძალა, რასაც გარემოვაჭრეთა პროტესტი მოჰყვა. გარემოვაჭრეები ადგილობრივი ხელისუფლებისგან გარევაჭრობის გაგრძელების ნებართვას ან ალტერნატიული ფართის გამოყოფას მოითხოვენ.