ქუთაისის მერის, დიმიტრი კოპალიანის გადადგომას და ქალაქში ბოლო დროს განვითარებულ მოვლენებს ეხმაურება „ერთიანი ნაციონალური მოძრაობის“ ქუთაისის ორგანიზაცია. ორგანიზაციის ოფისში დღეს გამართულ ბრიფინგზე საპარლამენტო უმცირესობის წევრმა გიორგი თევდორაძემ მერის გადადგომასთან დაკავშირებით ადგილობრივი ხელისუფლებისგან განმარტებების გაკეთება მოითხოვა.
„როგორც ჩანს, ქუთაისში იწყება ეპოპეა მერების სწრაფი ცვლის. დიმიტრი კოპალიანის მოსვლა და ორ თვეში წასვლა მხოლოდ ამაზე მეტყველებს. მე მიმაჩნია, რომ იმ ადამიანებმა, რომლებმაც მოიყვანეს კოპალიანი ქალაქის სათავეში, უნდა გააკეთონ განმარტებები საზოგადოებისთვის, რა ხდება ქალაქში. აქვე გამოვთქვამთ მზადყოფნას, მივიღოთ მონაწილეობა ახალი მერის არჩევის კონსულტაციებში, თუ, რა თქმა უნდა, ამის სურვილი და მზადყოფნა იქნება ადგილობრივი ხელსიუფლებისგან."–აცხადებს გიორგი თევდორაძე.