საქართველოს კულტურისა და ძეგლთა დაცვის მინისტრი გურამ ოდიშარია და მინისტრის მოადგილე მარინე მიზანდარი დღეს სიღნაღს ეწვევიან. კულტურის სამინისტროს ინფორმაციით, დაგეგმილია სიღნაღის ისტორიულ- ეთნოგრაფიული მუზეუმის დათვალიერება და ბოდბის მონასტრის მონახულება.
სამინისტროს დელეგაცია, კულტურისა და ხელოვნების ცენტრში შეხვედრას გამართავს კულტურის სფეროს წარმომადგენლებთან და ამ სფეროში მომუშავე სახელმწიფო მოხელეებსა და პედაგოგებთან.
სასტუმრო "კაბადონში" კი, დაგეგმილია ლატვიელი მწერლის, ნორა იკსტენას წიგნის "მადონას მეგობარი" პრეზენტაციაზე დასწრება.

წყარო: interpressnews.ge