ქუთაისის მერიის საკონკურსო-საატესტაციო კომისია მერიაში მუშაობის მსურველთა განაცხადებს განიხილავს. დაახლოებით, 48 ვაკანტურ ადგილზე გამოცხადებულ კონკურსში 1 291 განაცხადი შევიდა. კომისიის თავმჯდომარის თამაზ მარგველაშვილის განცხადებით, კომისიის წევრები ამოწმებენ, რამდენად სრულყოფილია კონკურსანტების მიერ შემოტანილი დოკუმენტაცია. რადგან როგორც მარგველაშვილი ამბობს, არასრულყოფილი განაცხადების მიზეზით, უკვე დაიბლოკნენ კონკურსანტები. „მერის მოადგილის სამ ვაკანსიაზე 61 განცხადება იყო შემოსული, თუმცა ზოგ განაცხადს ცნობა აკლია, ზოგს პირადობა. ზოგიერთს კიდევ სტანდარტული ფოტოსურათის ნაცვლად ბაღში გადაღებული ფოტო აქვს გამოგზავნილი. ამ ყველაფრის გადარჩევას დრო სჭირდება, ამიტომ კონკურსის საბოლოო შედეგების გამოცხადების თარიღის დასახელება ამ ეტაპზე გამიჭირდება,“ - ამბობს თამაზ მარგველაშვილი.
წყარო:
news.ge