ქუთაისში თოჯინების თეატრის ახალ სამხატვრო ხელმძღვანელად რეჟისორი ლევან გაბრიჭიძე დაინიშნა, რომელიც თოჯინების თეატრში 1984 წლიდან მუშაობს. აღნიშნულ თანამდებობაზე გაბრიჭიძემ ია იაშვილი შეცვალა.
კანონში „სახელმწიფო თეატრების შესახებ“ შესული ცვლილებების თანახმად, თეატრებში მმართველის თანამდებობა გაუქმდა და თეატრის პირველი პირი სამხატვრო ხელმძღვანელი გახდა. ახალი ხელმძღვანელი თეატრში რეორგანიზაციას და სამსახურში წინა ხელძღვანელობის დროს გათავისუფლებული თანამშრომლების დაბრუნებას აპირებს.
მომხდარი ცვლილებების გამო ქუთაისის თოჯინების თეატრში სეზონი დაგვიანებით გაიხსნება.