ზესტაფონის მუნიციპალიტეტის გამგებლის შესარჩევად ადგილობრივ თვითმმართველობაში საკრებულოს გადაწყვეტილებით საკონკურსო-საატესტაციო კომისია შეიქნმა. გამგებლის თანამდებობაზე გამოცხადებულ კონკურსში მონაწილეობის მსურველებს განაცხადის გაკეთება მიმდინარე წლის 7 სექტემბრამდე შეუძლიათ. რის შემდეგაც შვიდკაციანი კომისია წარმოდგენილ დოკუმენტაციას გაეცნობა. მეორე ეტაპზე კი, რომელიც 12 სექტემბერს დაიწყება, შერჩეულ კანდიდატებთან გასაუბრება მოხდება. კომისიის წევრების ხმათა უმრავლესობით შეირჩევა კანდიდატი, რომელიც ზესტაფონის მუნიციპალიტეტის გამგებლის თანამდებობას დაიკავებს. ამ დროისათვის არსებული მონაცემებით კომისიაში 15 განცხადებაა შესული.
შეგახსენებთ, რომ ამ დრომდე ზესტაფონის გამგებლის თანამდებობა ნუგზარ ქამუშაძეს ეკავა.
გამგებლის დანიშვნის შემდეგ, როგორც ზესტაფონის ადგილობრივ თვითმმართველობაში აცხადებენ დაიწყება რეორგანიზაცია, რის შემდეგაც თანამშრომლები კონკურსის წესით შეირჩევიან.