საქართველოს რეგიონული განვითარებისა და ინფრასტრუქტურის მინისტრის მოადგილე შოთა მურღულია და მუნიციპალური განვითარების ფონდის აღმასრულებელი დირექტორი, ელგუჯა ხოკრიშვილი დღეს ხაშურის მუნიციპალიტეტში სურამის წყალსადენი სისტემის სარეაბილიტაციო სამუშაოებს დაათვალიერებენ. როგორც "ინტერპრესნიუსს" სამინისტროდან აცნობეს, ხაშურის მუნიციპალიტეტში საქართველოს მუნიციპალური განვითარების ფონდი ევროპის საინვესტიციო ბანკის (EIB-ის) დაფინანსებით დაბა სურამში წყალსადენი სისტემის რეაბილიტაციას ახორციელებს. პროექტის საერთო ღირებულება 5,362,918.54 ლარია.
წყარო: interpressnews.ge