მალე ქუთაისში TBC ბანკის ცენტრალური ოფისის წინ პარკირებისთვის ახალი ადგილი გაიხსნება. საკრებულოს თავმჯდომარის თქმით, ავტოპარკირების განთავსების ადგილთან დაკავშირებით შესაბამისი მოლაპარაკებები საპატრულო პოლიციასთან უკვე მიმდინარეობს.
"თანხმობის შემთხვევაში, რაც ვფიქრობ არ დააყოვნებს, ბანკის წინ კიდევ ერთი პარკინგი მოეწყობა", –განაცხადა თამაზ მარგველაშილმა.
დღესვე საკრებულოს რიგგარეშე სხდომაზე ქალაქში დამატებითი ვიდეოკამერების დამონტაჟების შესახებ გადაწყვეტილება მიიღეს. ვიდეოთვალების განთავსების ადგილებს ქუთაისის საპატრულო პოლიცია შეარჩევს. პროექტისთვის სულ 250 ათასი ლარი დაიხარჯება, რომელიც ხიდებისა და გზების საექსპლოატაციო თანხის დანაზოგვის შედეგად გამოიყო.