სამართალდამცველებმა ადიგენის რაიონის სოფელ ჭელაში რამდენიმე პირი დააკავეს. როგორც "ინტერპრესნიუსს" შინაგან საქმეთა სამინისტროს პრესსამსახურიდან აცნობეს, მათ პოლიციისთვის ფიზიკური წინააღმდეგობის გაწევა ედებათ ბრალად. არსებული ინფორმაციით, პოლიციამ აღნიშნული პირები მეჩეთთან არსებული მინარეთის დემონტაჟის დროს დააკავა. "ქართველ მუსლიმთა კავშირის" ხელმძღვანელის, ტარიელ ნაკაიძის ინფორმაციით, დემონტაჟს ადგილობრივი მუნიციპალიტეტი სამართალდამცავების თანდასწრებით ახორციელებს. "დემონტაჟს ახორციელებს ადგილობრივი მუნიციპალიტეტი, ადგილზე იმყოფებიან შინაგან საქმეთა სამინიტროს წარმომადგენლები, რომლებიც მეჩეთის ტერიტორიაზე მუსლიმ მრევლს შესვლის საშულებას უზღუდავს. შეკრებილია საკმაო რაოდენობის ხალხი. მოვუწოდებ სახელმწიფო სტრუქტურების წარმომადგენლებს, თავი შეიკავონ სამლოცველოსთან არსებული მინარეთის დემონტაჟისგან", - აღნიშნა ტარიელ ნაკაიძემ. სოფელ ჭელაში მინარეთი თვენახევრის წინ აშენდა.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი