ხვალიდან საქართველოს მასშტაბით საშუალო სკოლის დამთავრების დამადასტურებელი ატესტატების გაცემა იწყება.
საქართველოს იუსტიციის სამინისტროს საჯარო რეესტრის სააგენტოში „psnews.ge“-ს განუმარტეს, რომ ატესტატის მისაღებად დაინტერესებულმა პირებმა უნდა მიაკითხონ საჯარო რეესტრის ცენტრალურ ან რაიონულ ოფისებს.
საქართველოს მოქალაქეობის დამადასტურებელი ოფიციალური დოკუმენტის (პირადობის მოწმობა ან ID ბარათი) წარდგენისა და განცხადების დაწერის შემდეგ, ატესტატი 10 სამუშაო დღეში უფასოდ გაიცემა.