ქუთაისის სააპელაციო სასამართლოში დანიშნული პროცესი 1 ოქტომბრისათვის გადაიდო.
ავტოქარხნის მართვის ტერიტორიული სამსახურის უფროსმა, კახაბერ ხვარეშიამ სააპელაციო სასამართლოში საქალაქო სასამართლოს განაჩენი გაასაჩივრა, ის სასამართლომ მეზობლის ცემისათვის 2000 ლარით დააჯარიმა. პროცესი დაზარალებულის, ნარგიზა ნემსაძის ადვოკატის მოთხოვნით გადაიდო. 120-ე მუხლით აღძრულ საქმეზე (ჯანმრთელობის ნაკლებად მძიმე დაზიანება) განაჩენი, სავარაუდოდ, პირველ ოქტომბერს უნდა დადგეს.