შსს-ს ოფიციალურ ვებგვერდზე გავრცელდა ინფორმაცია ქუთაისში სწრაფი გადახდის აპარატების დაზიანებაში ეჭვმიტანილების დაკავების თაობაზე.

გავრცელებული ცნობით, შსს ქუთაისის საქალაქო სამმართველოს თანამშრომლებმა დააკავეს ნიკოლოზ კიკაბიძე, გიორგი ჯანელიძე და კოტე ჯანელიძე, რომლებიც ეჭვმიტანილი არიან 5 ნოემბერს  ქ. ქუთაისში ფალიაშვილის №2-ში მდებარე სწრაფი გადახდის აპარატის დააზიანებასა და 995 ლარის გაიტაცეებაში. დაკავებულმა კოტე ჯანელიძემ 4 ნოემბერს ქ. ქუთაისში ჯავახიშვილის №45-ში მდებარე სწრაფი გადახდის აპარატიდან 746 ლარის გატაცებაც აღიარა. ორივე ფაქტზე აღძრულია საქმეები სისხლის სამართლის კოდექსის 177-ე მუხლის პირველი ნაწილით.