2010  წელს პროგრამა „კორპუსის“ განხორციელებისათვის, რომელიც ითვალისწინებდა მრავალსართულიანი სახლების გადახურვას, ლიფტებისა და პარაპეტების შეკეთებას, ქუთაისის მერიამ 3 044,4 ათასი ლარი გამოყო.

როგორც საბინაო სამსახურის უფროსმა, ნარგიზა ჩოგოვაძემ განაცხადა, მომავალი წლისთვისაც იგეგმება ბინების სარდაფების, ეზოების და სადარბაზოების კეთილმოწყობა. რა თანხას დახარჯავს ქუთაისის მერია ამ პრობლემების მოგვარებისათვის, ჯერჯერობით, ცნობილი არ არის. როგორც მერიაში აცხადებენ, ამ პროექტებზე მიმდინარეობს მუშაობა.