ქუთაისის საკრებულოს საქალაქო მეურნეობის კომისიის თავმჯდომარე მერაბ მეშველიანი აღმასრულებელ ხელისუფლებაში ბრუნდება და ის საბინაო ფონდის მართვისა და რეგულირების სამსახურის უფროსის თანმდებობას იკავებს.

საკადრო ცვლილება ამ სამსახურის უფროსის კახა ქორიძის „დასავლეთის წყალში“ გადასვლამ გამოიწვია. საკრებულოს საქალქო მეურნეობის კომისიას ტარიელ მესხი უხელმძღვანელებს. ქუთაისის საკრებულოში მეშველიანის გამოთავისუფლებულ ადგილზე კი, სავარაუდოდ, ტრანსპორტის სამსახურის უფროსი ვიტალი ბოჭორიშვილი შევა.