გასულ კვირას გაზეთ „P.S."-ის („პოსტსკრიპტუმის") ჟურნალისტები ახალციხეში იმყოფებოდნენ. ეს გასვლა კავკასიის ინსტიტუტის პროექტის ფარგლებში მოეწყო და მთავარი მიზეზი რეგიონის პრობლემების ადგილზე გაცნობა და ჟუნრალისტთა ურთიერთდაახლოება იყო. ორენოვანი გაზეთის „სამხრეთის კარიბჭის“ ჟურნალისტების დახმარებით ქუთაისელი ჟურნალისტები ახალციხის პრობლემებს უფრო ახლოს გაეცვნენ. ორი კვირის წინ კი ზუსტად ასეთივე ვიზიტით ქუთაისში „სამხრეთის კარიბჭის“ ჟურნალისტები იმყოფებოდნენ.
ანი ონიანი („P.S." („პოსტსკრიპტუმი"): „ეს სტუმრობა ძალიან საინტერესო იყო. გარდა იმისა, რომ ამ ღონისძიებამ პროფესიული თვალსაზრისით ძალიან ბევრი რამ მომცა, შევიძინე კარგი მეგობრები. ვაპირებ ახალციხის მედიაზე დავწერო სტატია და პარალელები გავავლო ჩვენს რეგიონებს შორის. კარგი იქნება, თუ მსგავსი პროექტები კიდევ განხორციელდება.“