„ომი-არა! რევოლუცია კმარა! არჩევნები! - სხვა რა?! ვირჩევ არჩევნებს!“ – ეს გზავნილები საქართველოს ათ ქალაქში ერთდროულად 9 ოქტომბერს გაიგზავნა. აქციის ორგანიზატორები იყვნენ: საქართველოს რეგიონული არასამთავრობო ორგანიზაციებისა და რეგიონული მედიის ქსელები, სამოქალაქო განვითარების ინსტიტუტი. აქციის მხრადამჭერი კი –ამერიკული ფონდი „ეროვნული ღვაწლი დემოკრატიისთვის“( NED ).
სავსებით აპოლიტიკური აქცია ამ ქალაქებში ჩატარდა: დედოფლისწყარო, ლაგოდეხი, გორი, რუსთავი, ახალციხე, ქუთაისი, ოზურგეთი, ზუგდიდი, ფოთი, ბათუმი.
აქციის ორგანიზატორი – ქუთაისის საინფორმაციო ცენტრის პროგრამების დირექტორი გია ცაცაშვილი – აღნიშნავს, რომ ისინი მოსახლეობას კიდევ ერთხელ შეახსენებენ არჩევნების უალტერნატივობას. მისი თქმით, ქვეყნის სტაბილურ განვითარებაზე უნდა ზრუნავდეს სამოქალქო საზოგადოება და არამხოლოდ არჩევნების მოახლეოების დღეს.