ქუთაისის პირველი საჯარო სკოლის მოსწავლეები გაზით მოიწამლნენ. ორი მოსწავლე რეანიმაციულ განყოფილებაში იმყოფება. პედაგოგები ინციდენტის მიზეზად სკოლასთან ახლოს მიმდინარე სამუშაოებს ასახელებენ.
მათი ინფორმაციით, ქალაქის მერიასთან სამუშაოებს ერთ-ერთი კერძო კომპანია აწარმოებს. სწორედ მათ გადაჭრეს გაზის მილები, რის შემდეგაც ბუნებრივი აირის გამონაბოლქვმა სკოლის შენობაში შეაღწია.
სკოლაში სასწავლო პროცესი არ ჩაშლილა, თუმცა მოსწავლეთა ნაწილი სკოლიდან მშობლებმა გაიყვანა.