ნაციონალების დემონსტრაცია კახას ხელმძღვანელობით
ბოვშები კი არა და, მე გავრბოდი „ერისიონის“გულიზა პირველი, ხოდა, მოჩქარეს მოუგვიანდესო, ჩემზეა ნათქვამი. გადავჭერი გზა მოკლეთი, ბაზრის უკნიდან, ჯაჭვის ხიდთან რო ყვავილები იყიდება იქინე და რას ხედავს ჩემი თვალები: იმდენი ხალხი იყო შეკრებილი, კონცერტზე მაგდენი სა იქნებოდა. გავჩერდი, ვიფიქრე, აქ ხო არ ტარდება და მე ხო არაფერი მეშლებათქვა. ვათვარიელე, იქნება ნაცნობი მაინც დევინახო სადმე, რო ვკითხოთქვა, მარა, რათ გინდა, კაციშვილი ვერ ვიცანი. არადა, არც წევედი, ვიტრიალე და ვიტრიალე იქინე. მერე დევინახე, ხალხმა გეზი ეიღო დეცკიმირისკენ, ვიწრო ქუჩით და გზაზე არ გამევედი?!. ბიჭო, დევიბენი, კაციშვილი არაფერს ამბობს და მეც ასე ბრმად მივყვები... მარა დიდხანს ვინ ანერვიულა თქვენი ქაიხოსრო ბაბუა?!. გამოჩნდა ვინცხა ხვთისნიერი, დაგვიძახა: ხალხო, წითელი ხიდისკენ წავიდეთო. ერთხელ თქვა და მეთქი მომესმათქვა, მეორედაც რო გეიმეორა, მივედი ახლოს, რას იძახის უკუღმა ე ბოვში, ქვეით რა მინდა, კონცერტი მოედანზე არისთქვა, მარა ვიღაცამ აქედან მიაძახა: კახა, ხიდისკენ რატო მივდივართო? და არც ამას დოუყოვნებია პასუხი: ქვევით ჩავალთ და იქიდან წამოვალთ ერთად მოედნისკენო. ეე... გამიკვირდა, მეთქი რას შობა ე ბიჭი, კინოს გადაღების მოედანზე ხო არ მოვხვდითქვა. კიდო ის გამახსენდა, რა ქვია, ადრე მოედანზე რო პარადები ტარდებოდა და წინასწარ დაგეგმილი იყო ქუჩაში მოძრაობა...
ამასობაში ეს კაცი, წეხან კახა რო დოუძახეს, ტელეფონზე ელაპარაკებოდა ვინცხას: გამოხედე ქუჩაზე, ნახე, რა ხდებაო. გავჩერდი, ჩემს თავს შემოუძახე: რა სულელივით დაყვები, ბიჯო, ქაიხოსრო, ამ ხალხს, შენ რისთვის მოგცა მაგ ფეხები და ტვინი ღმერთმათქვა და გოუხვიე ჩუმჩუმად დავით აღმაშენებლის ძეგლისკენ. ჩუმად იმიტო, რო მეთქი, არ ვეგონო ნაციონალებში გაწევრიანებული მეც და არ დამიყვიროს, ფული თუ გინდა, მაშინ ქი უნდა გამოგვყვე ჩვენო.
მოკლედ, სახლში ისე რაფერ წევიდოდი, ამ დემონსტრაციის ამბავი რო არ გამეგო. თურმე ეს პატიოსანი ხალხი ნაციონალებში ყოფილან გაწევრიანებული და აძლევენ ფულს. ამიტომ, რაცხას დაავალებენ - თვეში ერთხელ თუ ორჯერ - უნდა გააკეთონ. აპა, ფულს ტყვილა ყოფნაში ვინ მისცემთ. ხოდა, ამჯერზე პარადობია გამართეს - დაასწრეს „ერისიონს“ თავის სახალხოდ გამოჩენა.