„ვანუატუმ აფხაზეთის დამოუკიდებლ სახელმწიფოდ აღიარება გააუქმა.“ – ამ წარწერით გაჩნდა პრეზიდენტ მიხეილ სააკაშვილის ფეისბუქის ოფიციალურ გვერდზე ფოტო, რომელზეც სააკაშვილი ვანუატუს პრემიერ-მინისტრ მოანა კარკასესთან ერთადაა გადაღებული.
მოანა კარკასესი ქვეყნის პირველი პირი 2013 წლის მარტის ბოლოდანაა.
შეხვედრის დეტალებზე პრეზიდენტის ფეისბუქის გვერდი არაფერს იტყობინება. ოფიციალური განცხადებაც პრეზიდენტის ადმინისტრაციის მხრიდან ამ დრომდე არ გაკეთებულა. სავარაუდოდ, შეთანხმება საქართველოს პრეზიდენტისა და ვანუატუს პრემეირ-მინისტრის შეხვედრის დროს შედგა.
შეგახსენებთ, აფხაზეთის დამოუკიდებლობა ვანუატუმ 2011 წლის დასაწყისში ცნო.
(ბ.ი.)