მოსკოვის წითელ მოედანზე დიდ სამამულო ომში გამარჯვების 68-ე წლისთავისადმი მიძღვნილ პარადში 11 ათასმა სამხედრო მოსამსახურემ მიიღო მონაწილეობა. ამის შესახებ იუწყება ვებგვერდი newsru.com. წითელ მოედანზე გამოიყვანეს რუსული შეიარაღებული ძალების 100 ერთეულზე მეტი სამხედრო ტექნიკა, ასევე რუსული საჰაერო ძალების 68 თვითმფრინავი. ავიაციამ 10 თვითმფრინავით ასევე უზრუნველყო ზეიმისათვის „კარგი ამინდის“ შექმნა (პირდაპირი გაგებით) – მათ გაფანტეს ღრუბლები საზეიმო მსვლელობის თავზე.

პუტინმა მიულოცა ვეტერანებს და დაჰპირდა, რომ რუსეთი არავის მისცემს ახალი ომის დაწყების საშუალებას.

სანკტ-პეტერბურგში 9 მაისისადმი მიძღვნილ პარადში 2,5 ათასი ადამიანი იღებდა მონაწილეობას.

(ბ.ი.)