16-დან 19 აპრილის ჩათვლით საქართველოს პარლამენტის ევროპასთან ინტეგრაციის კომიტეტის თავმჯდომარე ვიქტორ დოლიძე და საგარეო ურთიერთობათა კომიტეტის თავმჯდომარე თედო ჯაფარიძე ევროპარლამენტში შეხვედრებს გამართავენ.
დაგეგმილია ორმხრივი მოლაპარაკებები ევროპარლამენტში არსებული ყველა პოლიტიკური ჯგუფის წარმომადგენელთან. 22 აპრილიდან კი თედო ჯაფარიძე და ვიქტორ დოლიძე ევროპის საბჭოს საპარლამენტო ასამბლეის სხდომას დაესწრებიან, თედო ჯაფარიძე საქართველოს პარლამენტის დელეგაციის ხელმძღვანელის რანგში. აღსანიშნავია,რომ ამა წლის 21-24 აპრილს ქალაქ სტრასბურგში გაიმართება საქართველოს პრემიერ მინისტრის ბიძინა ივანიშვილის ოფიციალური ვიზიტი.
|