საქართველოს პრემიერ-მინისტრმა ბიძინა ივანიშვილმა ამერიკის შეერთებული შტატების პრეზიდენტ ბარაქ ობამასაგან მილოცვის წერილი მიიღო. ამის შესახებ ჟურნალისტებს ბიძინა ივანიშვილთან შეხვედრის შემდეგ აშშ-ს ელჩმა რიჩარდ ნორლანდმა განუცხადა.
ელჩის თქმით, მან ბიძინა ივანიშვილს და მინისტრთა ახალ კაბინეტს წარმატებები უსურვა და განაცხადა, რომ საქართველოსა და ამერიკის შეერთებული შტატების სტრატეგიული ურთიერთობა აუცილებლად გაგრძელდება. რიჩარდ ნორლანდმა ასევე აღნიშნა, რომ ამერიკის შეერთებული შტატები მხარდაჭერას უცხადებს საქართველოს ევროატლანტიკურ სტრუქტურებში სწრაფვას. „ბარაქ ობამას წერილის შინაარსზე კი, ალბათ, მოგვიანებით თავად ბიძინა ივანიშვილი გააკეთებს განცხადებას.“– განაცხადა ელჩმა.
ხატია გორგოძე