განათლების რეფორმამ უამრავი სიახლე მოიტანა. ერთ-ერთი მონაპოვარი მე-12 კლასია. უკვე მეორე წელია, სკოლის საკლასო ოთახებზე აბრა მე-12 კლასი გაჩნდა, საზოგადოებას ეს „სიახლე“ იმდენად არ მოსწონს, შესაძლებელია, ხალხური ვერსიით, თორმეტწლიანი სწავლება მალე დასრულდეს.  თუმცა, ეს მხოლოდ ხალხური ვერსიაა, ოფიციალურად ამ ვერსიას არც კი განიხილავენ.

განათლებისა და მეცნიერების მინისტრი ნიკა გვარამია დაბეჯითებით აცხადებს, რომ 12-წლიანი სწავლების გაუქმებას არ აპირებს. მისი აზრით, თუ გვინდა, რომ ევროპულ სტანდარტებს ვაკმაყოფილებდეთ, თორმეტწლიანი სწავლებაც უნდა ავიტანოთ.