„ახალი მემარჯვენეები“ რეგიონებში შეხვედრებს იწყებენ. პარტიის ლიდერები დავით გამყრელიძე, ფიქრია ჩიხრაძე, მანანა ნაჭყებია, მამუკა კაციტაძე დღეს ქუთაისში ჩამოვიდნენ და პარტიის იმერეთის და რაჭა-ლეჩხუმის რეგიონაული სტრუქტურების ხელმძღვანელებთან შეხვედრა გამართეს. შეხვედრაზე პარტიის ლიდერებმა რეგიონული ორგანიზაციების წარმომადგენლებთან ქვეყანაში მიმდინარე პოლიტიკური მოვლენები განიხილეს. პარტიის ადგილობრივმა ლიდერმა მამუკა მღვდელაძემ განაცხადა, რომ შეხვედრა სამუშაო ხასიათის იყო და პარტიის სამომავლო სტრატეგიაზე ისაუბრეს.
ხვალ კი „მემარჯვენეების“ ლიდერები ფოთში სამეგრელოს, აჭარის და გურიის ადგილობრივი ორგანიზაციების ხელმძღვანელებს შეხვდებიან.