სამტრედიის მუნიციპალიტეტში დღეს დილიდან დაძაბული ვითარება იყო. შენობის მიმდებარე ტერიტორიაზე შეკრებილი „ქართული ოცნების“ აქივისტები საკრებულოს თავმჯდომარის პოსტზე „ნაციონალური მოძრაობის“ დეპუტატის ემზარ შუბლაძის კანდიდატურას აპროტესტებდნენ და საკრებულოს სხდომის ჩაშლას ცდილობდნენ. აქტივისტები მუნიციპალიტეტის შენობაში შეიჭრნენ და დეპუტატებს სიტყვიერი და ფიზიკური შეურაცხყოფა მიაყენეს. ხმაურიანი პროცესის მიუხედავად, სამტრედიის საკრებულომ თავმჯდომარე მაინც აირჩია. ხმათა უმრავლესობით, თავმჯდომარის პოსტი ემზარ შებლაძემ დაიკავა, რომელიც არჩევის მომენტამდე საკრებულოს თავმჯდომარის მოვალეობას ასრულებდა.
საკრებულოს თავმჯდომარის პოსტზე ემზარ შებლაძეს კონკურენციას უწევდა ფრაქცია „კონსერვატორების“ დეპუტატი კობა ძიძიგური.
სამტრედიის საკანონმდებლო ორგანოს ყოფილმა ხელმძღვანელმა ალექსანდრე ჯვარშეიშვილმა აღნიშნული პოსტი ორი კვირის წინ დატოვა.