„მე-9 არხის“ ჟურნალისტების დევნა ისევ გრძელდება. ჟურნალისტებს მუშაობაში ხელს უშლიდნენ ბათუმში, გურიის, იმერეთის, კახეთის სხვადასხვა რაიონებში. ზეწოლის მეთოდი თითქმის ყველგან ერთნაირია. სამუშაო პროცესში ჩართულ „მე-9 არხის“ ჟურნალისტს თავს ესხმის ერთბაშად რამდენიმე კორესპონდენტი და ოპერატორი. ისინი სვამენ პროვოკაციულ კითხვებს. ბევრ შემთხვევაში პროვოკატორი „თავდამსხმელები“ „რეალTV“-სა და ახლადგამოჩენილი „მედიაჯგუფის“ ლოგოებით არიან აღჭურვილი.